|
|
| ZORAM POLITIK CHANCHINBU PU LAL THANZARA’N TLANGZARH |
 ‘Chanchinbute hi chem lova mi lu la thei te in ni’ tiin Zoram Politik tih chanchinbu Pu H. Ramdinthara siam nitin chhuak tura beisei chu Pu Lal Thanzara, Parliamentary Secretary to CM chuan CM Conference Hall-ah vawiin chawhnu dar 2:30 khan a tlangzarh
Pu Thanzara chuan, sorkar hmasa ah ram hruaituten eng eng emaw release na neiin hun tam tak an hman thin an sawiselte chu hre rengin, vawiin ni a release erawh hi chu ram kaihhruaina, ram hmel siamna, sorkar leh mipui rawngbawlna tur thil pawimawh a nih hre rengin Zoram Politik tih chu a release anih thu a sawi a. Politics kalkawng dik zawhna kaihruaitu anih a beisei thu a sawi. |
| RESEARCH METHODOLOGY ZIRNA TRAINING |
SCERT Mizoram bultuma June 3 - 10 inkara neih tur Research Methodology training chu vawiin khan SCERT Auditorium-ah neih tan a ni a. He training programme ah hian NCERT New Delhi atangin mithiam ten SCERT officer-te DIETS leh District tina Resource Centre Principal te leh Lecturer-te chu zirtirna an pe ang.
|
| DUCATION MINISTER LALSAWTA’N 2nd ASOF DIET GENERAL CONFERENCE HMANPUI |
Nimin khan Association of Faculty, District Institute of Education Training (ASOF, DIET), Lunglei leh Aizawl District te chuan Aizawl DIET Auditorium-ah General Conference vawi 2-na an hmang a, Education Minister Pu Lalsawta chu Khuallian a ni.
Khuallian chuan thu sawiin Mizorama zirna siamthat chu sorkarin a ngaih pawimawh berte zing ami a ni a, chumi atan chuan Education Department kalphung thlak danglama, DIET pawh hman tangkai chho zel a ni ang, a ti. Khawvel hmasawnna milin Mizo thalaite zirtir leh chherhchhuah danah kan duhtuiin kan uluk a ngai tawh a, Mizo tawng an thiam em em rualin tawng dangte pawh ngam taka an hman theih turin kan zirtir a tul a. Zirlaite chu ‘by-heart sytem’ mai ni lovin an zirlai hrethiam tak tak thei turin kan zirtir an tul tawh a ni, a ti bawk. Hemi atan hian zirtirtu training that a pawimawh em em a, chu chu DIET kaltlangin sorkarin a tul ang zelin a bawhzui tur thu a sawilang. Mizoram zirna kalphung siamthat dan tur ngaihtuahin sorkar laipuia Education Reforms Commission member-te chu Mizoramah an rawn zin thuai ang a ti a. Ram leh hnam hmasawn tak tak tur chuan zirna hi a pawimawh ber a, chuvangin Mizorama mi chengte pawh hmantlak/hnathawk tlaka siam chho turin sorkar chuan theihtawp a chhuah dawn a ni, a ti. |
| AIR LIVE PHONE-IN |
| Tun Inrinni lo awm tur May ni 2, 2009 All India Radio, Aizawl Live Phone-In hunah chuan ‘MAMCO kaltlanga Mizoram atanga sawhthing hralhchhuah dan leh MAMCO hnathawh dan kalphung’ a hriat duh neite tan zawhna a zawh theih dawn a. In zawhna te chu Pu Lalremthanga, Dy. Manager, MAMCO leh Dr. Lalthanthuami, Dy. Manager (F&A) MAMCO ten an rawn chhang ang a. Telephone No 2322515 leh 2323148 ah te a zawh theih ang. |
| CHIEF MINISTER’S RELIEF FUND AH CHHUNGLUT |
| Trucks Owner’s Association, Lunglei District, Lunglei chuan Rs. 10,000/- (Cheng Singkhat) Chief Minister’s Relief Fund atan an chhunglut. |
| KUM 2009 - 2011 CHHUNGA MISA HRUAITU TURTE |
Mizoram Information Service Association (MISA) General Conference chuan kum 2009 - 2011 chhunga an pawl hruaitu atan heng mite hi an thlang :
President : David L. Thangliana
Vice President : R. Vanhnuaithanga
General Secretary : P.B. Lianthangpuii
Secretary : Lalramliana Chawngte
Treasurer : Ngurthankhumi
Financial Secretary : J. Lalthutiama |
| MP THLANG TURIN KOLASIB INPEIH TA |
Kolasib District Standing Committee on Election chu Asst. Returning Officer, D.C. Pu Dawngliana hovin vawiin khan D.C. Conference Hall-ah an thukhawm a. MP inthlan atana inbuatsaihna kimchang an sawiho.
Kolasib-ah hian kawng hrang hrangah inbuatsaihna hmachhawn turin inpeih fel tawh a ni a. Assembly Constituency pathuma polling station 76 a mipuiten boruak muanawm tak hnuaia vote an thlak theihna turin venhimna lam security pawh ruahman fel tawh a ni a. Sensitive polling station 5, Saipum a polling station pahnih, Saiphai, Saihapui V leh Phainuam te chu venhimna rip lehzual pek tura tih an niin electric, tui leh kawng harsa tihthat hna pawh thawh tawh a ni.
|
| Latest Active Forum Threads |
|
|
|
| Login |
Not a member yet? Click here to register.
Forgotten your password? Request a new one here.
|
| Member Poll |
Choose ur game!
DoTa AllStaR
35% [8 Votes]
Counter Strike
65% [15 Votes]
Votes: 23
Started: 26/12/2008 15:32
Ended: 09/06/2009 07:09
Polls Archive
|
| Commercial |
|
| |
43,487 unique visits
